BAFA 2018

Bis zur näggschte Fasnacht

19.02.2018

Mr freyen is scho!

Noch



Countdown
abgelaufen


CDUB - CountDown-Up Big

Bängg 2014

 

Gold-Blaggedde 2014

 

 

Gäll, blyb suuber!

 

Helge 01 (E Fingerzaig)
Wony d Blaggedde aalueg, dängg y drzwüsche:
Was duet dä Waggis mit däm Wüscherli wüsche?
Syt em Yywanderigsschtopp kenny dr Zwägg:
Dä wüscht dr EU-Drägg ewägg!
  (Zwischevärs)
Mr trenne Papyyr, mr trenne PET.
Au Alu wird trennt, so wie me s sett!
Helge 02

(E verbundene Duume)
Ych ha vorhär ain verschlaage bym doo aanelaufe!
…und Droge duen y au verkaufe!
…Morn raub y no e Bangg uss – ych dängg das längt,
dass me au mir denn s Thai-Box-Training schänggt!

Helge 03
(E hooly Hand)
Dr Schawiri, das isch dä z Andermatt.
Dä findet Millioonebaute glatt!
S glyyche git s z Dytschland - zmindescht symboolysch -
nur sälle isch Bischof und klaut kathoolisch!


Helge 04

(E Duume aabe)
Ych bi fir Basel! Ych zaahl fir Basel!
Ych schaff fir Basel! Und ych lääb fir Basel!
Ych due alles fir Baasel duurefiehre!  
Und zum Dangg, … khan y z Basel nimm parkiere!
Helge 05 (E Schtinggefinger)
‚Nääger‘ derf me hit nimm saage!
Saisch trotzdäm ‚Nääger‘, haaglets Klaage!
Drum wärde Gäld-Jongleure, wo me kennt,
ab sofort „Alice Schwarzer“ gnennt!
Helge 06

(E Figgtory-Zaiche)
Jetzt gits denn wäg däm Pimmeli und däm Schnäggli uss Plüsch    
in de Fundykrais vyyl Nääbegrüsch!
Drbyy isch daas doch s Bescht fir jeedy Mamme,
zem em Kind zerklääre, wohär d Plüschtier schtamme!

Helge 07
(E F(r)uscht)
Was dr Somm in d BaZ schrybt isch e Übel!
Und was dr Bahnerth in d BaZ schrybt gheert in Kübel!
Vom Schrybstil här, khasch als gebildets Wääse,
in dr BaZ nur no d Todes-Aazaige lääse!
Helge 08

(E ächti Hand)
Mr trenne Papyyr, mr trenne PET.
Au Alu wird trennt, so wie me s sett!
Nur ai Entsorgyg hämmer verpennt:
Mr hän ys noonyg vom Wessels trennt.



Noochvärs:
Dä Yywandrygs-Schtopp isch fir uns Bänggler scheen,
will jetzt pletzlig ally unsery Värs verschteehn!
Und fir d Nid-Basler no dr Rootschlaag doo:
Machtet kai Lärm bym Uusegoh!
 

Noochvärs:
Oh Simisim, oh Simisim!
Dyny Gumbberei isch zimmlig schlimm!
Will dyny Erfolg uff de Sotschi-Schanze
lande im Kiibel und Du uffem Ranze!

 

Und yyneschtäche, ummeschloh.
Duurezieh und aabeloh.
Jä soone Refrain isch dr Hit…
…nur fir e Nationaalroot längt das nit!
die Antiquierte Template by Stefan Ruede Powered by Joomla!