(Blaggedde normal)
Mir schtöhn im 'Vierzygschte Joohr ohny Örgeli doo,
will IHR singet dr Refrain und dä gooht esoo:                Fidirallala ...

(leerer Vogelkäfig)
Die Blaggedde das Joohr, die isch dr Wahn!
Und nimmsch dr Vogel druss - sogar vegan.
Fidirallala ...

(Kriegseule)
Ych find künschtligy Intellygänz überhaupt nid schlimm
Ych find künschtligy Intellygänz glaub nid so schlimm
Ych find künschtligy Intellygänz überhaupt nid schlimm
... aber fir e Pointe längt das Programm denn nimm.
Fidirallala ...

(Quietschiäntli)
Ou … das Gschyss wäg Frauedemo und Gummyschroot
verschtand y nid, wills by mir mit Fraue nur mit Gummi gooht.
Fidirallala ...

(Pingu)
Me kha s Lääbe nimm zaahle – so my Kalküül ...
Wandre mr uss – kemme zrugg und fordere denn Asyl ...
Fidirallala ...

(Vogel us Blätter)
E gryeny Schtadt, die blybt e Traum!
Do hogg y lieber unter my Gummybaum.                Fidirallala ...

(Firebird)
Wotsch Äggschen haa – so richtyg schtargg,            goohsch aifach in Dreiroosepargg.
Fidirallalla …

(Vogel Strauss)
Ych ha d 'KI gfrogt: Was koschtet d Granggekasse?   .........     
Fidirallala …

(Chickenkoch)
«MY Hamburger» (englisch) heisst «my Bolle Flaisch»,     aber Vorsicht, wenn de «his» ‹Bolla› saisch!                Fidirallala …

BVB-Vogel)
Wotsch vo dr Märthalle ins Gundeli muesch persee
via Brausebad, Allschwilerplatz, Morgartering, AllschwilDorf, AllschwilLette, Neuwilerplatz, Dorebach....
lueg doch sälber in dr App vo dr BVB.                  Fidirallala …

 (Gans)
Die Gans im Keefyg, die duurt my schier...
By öis gits en 1a Daunedüvet vo doote Tier.             Fidirallala ...

(Dagobert Duck)
D Kryptowähryg isch öbbys, wo my Sohn nid schluucht!   Är het s Sagggäld für Schoggytaler brucht.             Fidirallala ...

(E Flugi)
D Patrouille Suisse im Keefyg macht kai Sinn.             Besser s hoggty dert dr Süssli drin.
Fidirallala ...

(E Nochvärs)
By de Horburg Schlurbby lauft ganz ney
dr Vortraab nur no mit Pfäfferspray
Fidirallala ...

(E Nochvärs)
Super, dass dr neu BVB-Bus elektrisch gooht:
Jetzt kunnsch klyyma-neutral eleggtrysch z schpoot!
Fidirallala …