zu dir oder zu mir?
 |
(Blaggedde normal mit Latärne) „Zu mir oder zu dir?“ E soone Saich! Ellai scho d Idee isch biirewaich! He - schtell dr vor, mir zwai geege eych - dr Räscht … Mir hän doch nid soo vyyl Platz im Näscht! |
 |
(Mathematyschi Foormle) 5 plus 8 git öbbe 10! Plus 6 könnt öbbe 13 gäh! Esoo guet wies mir mit em Rächne gooht, wird y glaub s näggscht Joohr Schtänderoot! |
 |
(Frau mit Burka) Ach Mohammed, ach Mohammed…. Ach Mohammed, ach Mohammed…. Ach Mohammed, ach Mohammed…. Ych waiss, dass y dy nit erwäähne sett! |
 |
(e paar Gäldminze) Fir vier Stai khasch e Bleeterliwasser dringge! Fir finf - bykunnsch zwai Reedli Vorder-Schingge! Fir säggs - e Schoggyweggli fir dyny Frau - und fir siibe - ai Schtund Arbet uff em Mässebau! |
 |
(Hammer und Sichle) Super, wie dr Depardieu nach Moskau rennt und sich ab sofort Obelitschkow nennt! Drnoo han ych mir iberlait, wie men ächtsch „Lachemeier“ uff russisch seit! |
 |
(s SRF-Loogo) „Das waren die Nachrichten von Radio SSRRREEEfff!“ „Das war die Tagesschau von Fernsehen SssRReFF!“ Wäg däm „SserRRfff“ - hät mängge SRF-Schprächer nyt drgeege, wenn är kennt e Schprooch-Heil-Kurs beleege! |
 |
(e Haissluftballoon) Wo sich dä Eeschtryycher – y waiss grad nimm wiener haisst, via Balloon in d Schtratosphääre schmaisst, mergg y, Red-Bull het allewyyl glooge! Sunscht wär dä doch sälber dert uffe gflooge! |
 |
(e Päärli Sogge) Hesch per Zuefall grad e paar Schtinggy-Sogge! Oder e schwaysselygs Lyybli vom Ummerocke? Denn deponiers bym Ussgang – dett! Will dr Baschi Dürr morn Wöschdaag het! |
|
(Blaggedde normal mit Latärne) Zum Schluss no schnäll, so nääbebyy: Mir sammle noochhär ally Blaggedden y! Jä, die schigge mr denn im Möörgeli – däm arme Maa, dass är zmindescht 1 Sammlig betreue kha! |
| Noochvärs: Also YCH bi no nie iberfalle worde! Au no nie gschlaage worde vonre Schleeger-Horde! My Rezäbbt drfir – (es isch zwor ghaim): Y blyb 24 Schtund lang nur dehaim! |
|
|
Noochvärs: |
Und yyneschtäche, ummeschloh.
Duurezieh und aabeloh.
Jä soone Refrain isch dr Hit…
…nur fir e Nationaalroot längt das nit!
Duurezieh und aabeloh.
Jä soone Refrain isch dr Hit…
…nur fir e Nationaalroot längt das nit!