Main Menu

D Boscht goot ab

	Naarekappe Juchhay, Allaav, Hellau, Juhee.... schön euch alle wieder z gseeh... Falls dä Aafang jetzt e Basler schtört: Gwööhn Dy draa, will s zur Unesco ghört! E Büttereedner maint kurz und knapp: "Leegg mich, geht bei den Schweizern d Boscht voll ab! Da gehts um ein paar Fränggli - oder so.... und alle rufen Boscht au doo!"
	Siebe rooti Ziipfelkappe Wo s Rootkäppli zum Rumpelschtilzli faahrt und ihm d Vatterschaft vo 7 Zwärgli offebaart, döönt das für d Frau Holle rächt abschtruus! Nur für e Trump sins ÄNDLIG MOL kainy gfeikte Niuus!
	Migros-Wichtel By däm härzyg-schnuusyge PiipWichtel do, isch ys allewyl s Auge-PiPi(p) kho.... Will dä arm Kaib lyydet – jeedy Wett, will är die glyyche Auge wie d Leuthard het!
	Fiess Unsry Fraue sin uns in den Oohre glääge: Mir selle unsry Fiess meeh pfläge! Drum doo an d Fraue dr Antwort-Gruess: Me waiss, dass es „e bitzli schtingge muess!“
	E roots Knepfli Ych ha letschty – ych waiss s deent veruggt, uss Versehe s roote Knepfli druggt.... S Ergäbnis isch fataal! Ych bereu s jo soo! S isch d Granggeschweschter yynekho!Sache!!!.... Jä guet, by Ziiry kennt men e Ussnahm mache....
	Helge mit de Bundesrööt Dä neuy Helge mit de Bundesrööt... si da'sch ganz vereggt: Dä isch „gif-animated“ sprich 'bewegt'! Ych hanen aagluegt....saagene!.... Stund um Stund... ..aber s ainzig Beweeglig ... isch dr Hintergrund!
	Kim mit roter Nase Ych ha vom KimJongUn welle ebbys Luschtygs bringe... Aber irgendwie het s nid welle glinge... Denn nämme mr halt ebbys Glatts vom Wessels - hejo das wärs! Ych glaub y probiers doch mit me KimJong-Värs.
	Menue Mir Antiquierte sin ganz versässe allewyl s Beschte vom Beschte z ässe! Me serviert ys Maade uff Mäählwürm druff...... ......bis wenn het dr McDonald uff????
	Blaggedde Wenn d s gnau aaluegsch, denn merggsch es bald: Die neu Fasnachtsgass het e symboolisch' Ghalt! Zwische Greeberplatte und alte Schtai fühlt sich s Comité dehai!
	Blaggedde E Büttereedner maint kurz und knapp: "Leegg mich, geht bei den Schweizern d Boscht voll ab! Jetzt isch der Feeederer wieder Nummer eins!" ...Nur en aiges Schtadion bykunnt är kains!!!

Und yyneschtäche, ummeschloh.
Duurezieh und aabeloh.
Jä soone Refrain isch dr Hit…
…nur fir e Nationaalroot längt das nit!

die Antiquierte Template by Stefan Ruede Powered by Joomla!