Main Menu

Goldblaggedde_2017

Mer spränge dr Raame

	(Sujet) Mir Basler dien ys jo nie nyt schängge! Und allewyl ans 'Raame schpränge' dängge! Drum liebe …..... due emoll drugge … ... WÄGE DIR HET JETZT KASÄRNE E LUGGE!!
	(E Jagdschild) Mir zwai sin letschty, vor e baar Daage, Mit unsre Händys in de Händ in dr Schtadt go jaage! Das isch no schwär! Lägg hän mir gfluecht Mr hän schtatt Pokemons e Poschtschtell gsuecht!
	(E Kärn-Energie-Logo) Es isch klaar: Dank Schwyzer Demokratyy blybt unsery Schwyz by dr Kärn-Energyy! Jä bym Schneider-Ammann do hoffy gärn, är haig no Energyy ........im Kärn...
	(E Fällschulsagg) Dr Kevin uss dr erschte Klass bohrt in dr Naase- aifach so us Gschpass... Es Noemi, wo nääbedraa uffem Schtuehl duet gwaggle het d Händ nid gwäsche noonem Gaggle ... Dr Leon het bym Wett-Wyt-Brünzle allem aa verloore, är d Hand drzwische ghaa... Dr Kai, wo sunscht fräch ummefötzlet hoggt blaich im Egge – är het grad kötzlet ... By soonere Klass – leehn mir ys vernäh - wurden au mir als Lehrer d Hand nimm gäh!
	(E Skelett) Me het gmerggt, dass s Casino übreme Friidhof schtooht Drum isch klar: Basel isch kulturell jo doot! Mir zwai mache doo e jeedy Wett, dass es au untrem Roothus e Friidhof het!
	E Stopp-Zaiche) Im Himmel rieft uffem Welggli 12y, dr Mussolini: „Hesch gseh, liebe Dölfy? Mr bekemme bald scho e neye Maa! Nur läbt dä no! .... Z Amerikaa.“ oder Dr Trump – dasch dä z Amerikaa, wett geege Mexiko e Muure haa. Als Basler Humanischte weehre mr ys geeg sottygy Sache!!!.... Jä guet, by Ziiry kennt men e Ussnahm mache....
	(E Taxi-Logo) Als Schnitzelbänggler het mes schwär! Wo bykumm y e Taxi für dr näggscht Ufftritt här? Esoo gseh wärs nit dumm – nit schtier.... mr wäre z Basel Schugger-Offizier!
	(E silbrigy Blaggedde) Es gäb Fasnachts-Clique -eso duet men ys saage- wo sich waigeren e silbrigy Blaggedde z traage... Will me sich miess wägem „Gugge-Sujet“ schämme.... Hallo Toleranz???? .....Scheeny Fasnacht zämme!
	(Noochvärs) My Auti isch gleast ... und per Kredit kauf i d Schyy! Hypotheke uff s Huus .....und by dr Schtüür hindedryy! Au pryvaat han y myny Schulde vermehrt! ...das han y im „Drey Keenyg“ glehrt!
	(Noochvärs) Es verzichtet dr Bobby Dylan schtur, uff dr Noobelpryys in Lit'ratuur... Soonen Eklat wird d s näggscht Joohr nimmy gäh! Will mir zwai wärdenen entgeegenäh!

Und yyneschtäche, ummeschloh.
Duurezieh und aabeloh.
Jä soone Refrain isch dr Hit…
…nur fir e Nationaalroot längt das nit!

die Antiquierte Template by Stefan Ruede Powered by Joomla!