BAFA 2018

Bis zur näggschte Fasnacht

19.02.2018

Mr freyen is scho!

Noch



Countdown
abgelaufen


CDUB - CountDown-Up Big

Bängg 2016

                                       

                       Mr mache dicht                aber      ....

 

Helge 01  (E Päggli Ricola)
Mr mechte doo an Sepp Blatter dängge
und ihm e Päggli Ricola schängge.
Die Krütterdääfy hälfen offebaar
by Hueschte, Haiserkait und „Katar“.
Helge 02 (?!)
Ohny Hilf – ganz frei – uff Zwanzyg zelle …
E Ricola uss em Papyyrli schelle …
Erkenne, isch dr Angge frisch oder ranzyg …
Das wär dr Lehrplaan ainezwanzyg!
Helge 03

(E Tuube Ricosyl)
Mir hän probiert, ebbs kennty nutze,
geege Akne und Byybeli e Ricola z schlutze …
S nutzt nyt … geege d Byybeli am Buch und Arsch,
solang d no VW-Diesel fahrsch!

Helge 04

(E Zyylschyybe)
My Helgeträäger und ych – ou si, s isch gschpunne!
Hän bymne Ricola-Wettbewärbli gwunne!
„Ein Männer-Seminar“ isch dr erschty Gwinn …
syt dert wisse mr, dass mr Männer sin!
 Helge 05 (E Kueh und e Nuggi)
Wo dr Brunner Toni maint: „S isch gnue!
Ych gang wider haim zu Frau und Kueh …“
han ych ihm grad e Ricola gschänggt!
Wills en vom Blocher-Nuggi-Entzug ablänggt!
Helge 06

(E Dööfy)
Bisch gaischtyg „nüt“ oder sogar no „nütter“…
do hälfe au kainy Ricola-Krütter!
Schloo dr drum e Karrieere ussem Sinn!
… guet … s liggt no „Bolyzey-chef“ drin …
Helge 07

(E Liiferwaage)
Bisch Liferant vommene Krütter-Garte
und muesch für s Liifere in dr Altstadt warte?
Syg frooh, isch s Muul dangg Ricola voller,
denn wird s Warte bym Spaalebärg-Poller toller!
Helge 08

(E Apytheek-Kryz)
Bisch haiser und kasch nid rächt schwätze,
wär e Ricola villicht nid s Lätze!
Bym Schneider-Ammann dien mir druff wette,
kasch au mit Ricola nyt me rette!

Helge 09

(Noochvärs)
Vo wääge Ricola ... ych waiss, s bruucht Muet,
die wääre au fir dr PEGIDA guet!
Denn giengt by däm, wo me by däne schnuurt,
zmindescht dr bruuny Mundgruch furt!
  (Noochvärs)
Si warte sicher fidiralala
uf e letschte Värs zu Ricola.
Soone Widerholyg kunnt nid! – es duet ys laid!
Will uff „Widerhoole“ hets Tele-Basel Copy-Right!

 

Und yyneschtäche, ummeschloh.
Duurezieh und aabeloh.
Jä soone Refrain isch dr Hit…
…nur fir e Nationaalroot längt das nit!
die Antiquierte Template by Stefan Ruede Powered by Joomla!