 |
(Blaggedde normal mit Junteressli)
Dä Ryssverschluss vom Comitee
find y e antiquierti Schyss-idee!
Will s bruucht doch ehrlig gsait e Maage,
dr Hooselaade am Kraage z traage!
|
 |
(E Trillerpfyffe schtatt Junteressli)
Y bi mit myyne Buebe und em Noochbersgoof
uffs Mätteli by uns im Hof!
Dert schutte sy jetzt brandaggtuell
geege Xamax Nöschatel. |
 |
(Dollar-Zaiche schtatt Junteressli)
Will y Ferie mach z Amerika
hany miesse Doller haa.
Dr Maa am Schalter het frindlig gniggt
und my Banggusszug em Blocher gschiggt.
|
 |
(Bauschtelle-Schild schtatt Junteressli)
Wo sy am Schpaalebuggel im Boode schaabe ,
und vo ooben aabe e Grabe grabe,
het me gaanz, gaanz, gaaaanz wyt unde
die letschte wysse Parkplätz gfunde. |
 |
(Dootekopf schtatt Junteressli)
Y gib zue, y ha d Schwiigermueter vergiftet!
Ganz fyyn han y sy ins Jeensyts gliftet!
Y han ere drum e ganz feyn Znacht
mit Frischflaisch ussem Coop gmacht.
|
 |
(Härzli schtatt Junteressli)
Wo s Vreni und dr Urs dien schmüüserle,
wänn sy au zämme pfüüserle!
Do rieft s Vreni bletzlig: „Hit khas nit syy!
Y ha drum s Kefferli nit drbyy!” |
 |
(Paragraaphe-Zaiche schtatt Junteressli)
Y mecht my entschuldyge - doo und jetz!
wenn y s Schtrossemusikante-Gsetz verletz.
Au by mir deent s Ergeli nit so pfläggt,
aber ych sing immerhin Dialäggt! |
 |
(Schpritzy schtatt Junteressli)
Ych ha emoll welle mit Botox-Schpritze
luege, eb s wurd dr Scheenhait nitze!
S Ergääbnis gsehsch do vor dr schtoh:
Ych ha my Larve dehaime gloh! |
|
(Blaggedde normal mit Junteressli)
Rytte, rytte Ressli.
Z Basel schtoht e Schlessli!
Daas schängge mr denne ummesusch(t)
Em Morin und denn „Husch, husch, husch!“ |
|
Noochvärs:
Lut BaZ sell Basel en Urin-Schtadt syy…
wills saichelt in dr Schtadt am Rhyy!
Jä, das Probleem kenn y jeede Morge,
wenn y d Basler Zyttyg muess entsorge!
|
| |
Noochvärs:
Und yyneschtäche, ummeschloh.
Duurezieh und aabeloh.
Jä soone Refrain isch dr Hit…
…nur fir e Nationaalroot längt das nit!
|
