Zämme fäägts
 |
(Alli vier Blaggedde) Ych ha die «Zämmesetz-Spiili»-Blaggedde gärn! sy mahnt my drum ans «Bundes-Bärn»! Jeedes Puzzle-Dail isch fir sich e Hit! Numme zämme-passe dien sy nit! Zem Loose Zem Loose und Luege |
 |
(Baselbieter Wappe) D Baselbieter die syy schtur! wäi kchäi Kchultuur für e Rammel-Buur! drum blyybet nur bi Kieh, Säu, Hund und Katz! Mir bhalte s Theater – ihr bykemmet d BaZ! |
 |
(En Autotunnelschild) Im Arisdorftunnel – nit vergässe (!!) – dien sy d Duurchschnittsgschwindygkaite mässe! Esoo khasch denne – dasch s Banaale: D Gschwindygkaitsbuess im «Durchschnitt» zaahle! |
 |
(Logo Cardinal-Bier / E Mytra) Wo unsry (K)Cardinal-Brauereie als Brauereie zämme-gheie, wird us Rom dr pääpschtlig Vorschlaag brocht: «Jetzt wird nimm braut, sondern nur no kocht!» |
 |
(Schwiizerkryz unter dr Bundeshuuskupple) Mr hänn ney d Somaruga und dr Dings… eh, waisch, dr Dings! Kumm hilf mr! …Brings! …dangge! Jetzt schryb y denn im Dings… oder wien r sich nennt dass en au z Basel ebber kennt. |
 |
(FCB-Logo) Unsre FCB, dä kha n ys brichte, me haig dr «Dragovitsch Aleksandar» kenne verpflichte. Jä soone Transfer isch mir rächt, will das isch jo e typysch Basler Gschlächt! |
 |
(Logo vo de Antiquierte) «Ich bi dr Schorsch» vom «Drämmli, Drämmli» zwai und wüsch dr Drägg ewägewäg bym Yynestäche dehai.... au firs «Ai du scheene...» bin y mir nit z schaad: Das isch my Schnitzel-Doggter-Plagiat! |
 |
(Alli Blaggedde) E kupfrygy Blaggedde, die koschtet acht Stai. Fir fuffzäh nimmsch e Silbrygy hai! E Goldygy kasch dr fir fimfevierzyg kaufe! Und fir hundert Frangge bykunnsch e Billjee vo Basel nach Laufe! |
Zusatzvärs Dangg em Nai an dr Urne blybt alles bym alte! darfsch allewyl no d Waffe dehaime bhalte! Aber s duet my Ehe-lääbe belaschte! will syt dert liggts Wallholz im Klaiderkaschte! |
|
| Zusatzvärs Wenn z Rieche mechtsch innre bioloogische Glungge, fango-määssyg dy Fuudi dungge, denn kasch das nur näbe Molch und Frosch, wenn «d Schtriggete» dehaime losch! |
|