Mer kemme uff d Wält! TEEEEEEEEEEEEST
 |
E Päggli statt e Ladäärnli... Die Fymf mache mit lutt Gedrummel En interkontinentale Bummel Sy draagen e Päggli vorne draa Und bringes noch Sydafrika Jä daas rentiert em Aaschyyn aa, Well me d Päggliposcht nymm zahle kha. |
 |
D SBB isch uf e Gschmagg koh... Dä hinde linggs het Lämpe gha Und wär no fascht zum Ombudsmaa Well: noon ere Reis mit dr SBB Griegt är dihay kai Schmytzli meh “Du stinggsch noo Parfyym, wo hesch gschteggt ?” “Nyene Schatz, my Billjee schmeggt...” |
 |
D Clique het Schuufle statt Drummle... S isch digg wie d Archäologie Bim graabe so kha fyndig sy E Dolmegraab zwohr ohni Gnoche Us Kelte-zyt findsch Zyg bim Loche In dausig Joohr bim Märtplatz hinde Wirsch s Noteblatt vom Urschrey finde. |
 |
D Breitegrad sin e Hyrdelauf worde... Die Fymf mache bim Gschängglikauf E Stadtbaustelle-hyrde-lauf Do maint pletzlig die wo duet pfyffe: “Jetzt tue au ych ändlig begryffe Bim um die Lecher ummerenne, was die do “Wärggstadt Basel” nenne. |
 |
D Ladäärne het Olympiaringli bikoh... Dä Helge zaigt, rächt yberlait Wär Olympia zue Graabe drait Doch isch s im Grund gno nit eso S Sion-nai isch richtig uusekoh S wär fyr uns Schwyzer glatt dr Tod Wenn s Gold wider ins Ussland goht. |
 |
D Clique sin alli heilig worde... Dr Profässer Haag luegts global aa: “Au Prieschter sette Fraue haa!” Do schrybt em Haag dr Bischofs-chef: “Was Du do schrybsch, das isch denn neff! Es Zölibat muess zwingend blyybe Sunsch kenne mr s nymm im Ghaime dryybe. |
 |
D Wält isch e iMac.. Au d Bebby kemme schampar gärn Uff d Mediewält und sinn modärn Hänn Handy, @-mail, Multiplex Sörfe internätt, hänn Cybersex S isch klar dass alli en iMac wänn, Aber mir göhn in Mc Donalds, dass mr zwei Mac hänn. |
 |
D Ladäärne isch e Sarg... Dr Wolfgottsagger, dä gits nymm S heisst MParc jetzt, das dunggt ys schlimm Doch s isch nit d Wärbig, won ys steert Die Grundidee isch unerheert ! Em Staat dien d Staatssärg vyyl z viel koschte Muesch im Do-it-yourself e Bausatz poschte. |
 |
D Blagedde isch normal... Mir hätte do zem Schluss e Bitt: Verliere Sy d Blagedde nit! Nämme Sy sie an d Mynzmäss mit Damit s villicht e Frangge git Es kennt drum als Almose nytze Fyr d Bättelmench vo dr Expo-spitze.
Den deutschen Fründen hier zum Dangg Die Übersetzung vo däm Bangg: Wenn Ihr am frühen Donnerstag Dann heimgeht, falls Ihr in der Lag, Dann könnt Ihr z hause daran denken D´Blagedde dem Herrn Kohl als Spende z schenken... |