BAFA 2018

Bis zur näggschte Fasnacht

19.02.2018

Mr freyen is scho!

Noch



Countdown
abgelaufen


CDUB - CountDown-Up Big

Bängg 2002

Faba 02 Faba 02 Faba 02

 

«FABA 02» - Arteplage am Rhy!

 

 

1. Helge

(Blaggedde mit em BeVauBe-Embleem)

Jä die Arteplage fir dr Rhyy

darf wäg dr Schifffahrt nit derte syy!

Und trotzdäm isch sy nit fir d Katz,

mr stelle sy uff dr Centralbahnplatz!

Dert isch sy als Usssichtsplattform apart,

well denn ändlig gseesch, wo dy Trämmli faahrt!

2.Helge

(Dr glyych Helge)

A propos Bahn-platz und Tram - so isch z vernääh,

sells fir Trämmler neyy Aastellkriteerie gäh!

50 Kilo, maximal 1. 60 gross!

e schmale Bau - e träge Darm wär au famos!

und das alles nur - jä, das isch s Krasse,

ass sy in die neye WeCe passe!

3.Helge

(„Fluugy-Blaggedde“)

Jä flyegt sy oder flyegt sy nit?

Jä flyegt sy oder flyegt sy nit?

Jä flyegt sy oder flyegt sy nit?

Jä flyegt sy oder flyegt sy nit?

Me kennt sone groundets Flugi – es wär no z dängge,

dr Frau Botschafter in Dytschland für e Foty schängge!

Und sottys em Narr sy Frau nit welle,

kas dr Suter Moritz in Garte stelle

und wenn’s au dä nit will – das ischs digge,

kasch drmit dr Blocher in d Wyeschty schigge.

4.Helge

(Scho widr dr glyych Helge mit „Facts“)

Mitem Flyeger doo – daas isch ain vodr „Swiss“

Hänn bsunders d Zyrcher e Riisegschyss.

Vo Klote via Oerlikon –

noch Uetlibärg – gege Dietikon.

Und zum Ässe gits Gschnätzlets – ‚waisch wie schläckchts’

Und als Bordlektüre dä Saich vom Facts

5.Helge

(D Blaggedde als Guzzy-Byggse)

Das isch kai Arteplage - nai,

das isch d Guzzy-Byggse by uns dyhai!

scheen verziert und zimmlig gross!

Doch maischtens läär - sprich: Inhaltsloos.

Esoo het  die Biggs die glyych Bedyttig,

wie die dääglig Baslerzyttyg!

6.Helge

(D Blaggedde 2001)

Ganz richtig gseh - und s isch au woohr,

das isch d Blaggedde vom letschte Joohr!

Mir zaige die woohl yyberlait!

Fir die pschisch-mentaly Sicherhait!

Wells ‘Joggeli’ stooht, ganz froh und frisch!

Was by dr EXPO no lang nit sicher isch!!!
7.Helge

(D Blaggedde miteme Schwyzerkryz)

Jetzt gits in Basel – da’sch nit ney,

e Daag der offnen Tür by dr Polizey.

Dert zaige sy was e Schugger leehrt

Und was zem Polizeydyenscht gheert!

Und an dr Wand hängt dr neyschty Kauf:

E Karte mitem Schwyzer Gränzverlauf.

8.Helge

(Die Goldigy)

Mir hätte do zum Schluss e Bitt,

verliere sy d Blaggedde nit!

Sammlesy ally, wo sy finden yy!

und leege se in Nachttisch dryy!

Denn hännsy uffs Alter - das beruehygt ihry Närve -

e perseenligy AHaVau-Goldresärve!
 

(Zuesatzvärs)

Dä Kraiselverkehr bim Doorebach,

dä isch e ganz e tolly Sach!

Nur myesstr - wenn das wurdy goh,

in Riechen uss bim Zollhuus stoh!

Denn miechtemer d Ussfahrt „Rieche“ zue -

und scho hättemr vor de Schwoobe Rueh!

 

Nonemool e Zuesatzvärs – das wärs!

Die Blaggette macht my ganz konfuus!

Die zaigt doch s neye Schauspiilhuus.

Är zaigt em ganze Schwyzerland

unsry  Stadt liggt ganz in Frauehand!

Dangg de „first Ladies“ fyyhlt sich jetzt uffs Mool

Au  s’MINU widr z Baasel woohl.

die Antiquierte Template by Stefan Ruede Powered by Joomla!