BAFA 2018

Bis zur näggschte Fasnacht

19.02.2018

Mr freyen is scho!

Noch



Countdown
abgelaufen


CDUB - CountDown-Up Big

Bängg 2003

Blaggedde 2003

 

Mir gseen duure!

 

1. Helge

(Glashuus-Blaggedde)

Die Blaggedde will ys suggeryere,

ass mr ys langsam dien zrugg-reformiere:

Denn die Fäähry isch scho fascht symboolisch:

„Basel wird widr kathoolisch!!!“

denn an Vorstelligskraft bruchts nit so vyyl:

Dasch doch e schwimmends Papa-Mobil.

2.Helge

(D Blaggedde normal)

In däre Fäähry - die drei Gsella

sin diggy Frinde vom Vasella.

Die bykemme - sisch kai Hohn,

wie ÄR ally dr glyychgrooss Lohn.

Unds beschte an däm Gschichtli draa:

Verzell du das em Fäährymaa.

 

Zum Loose

3.Helge

(D Blaggedde vo hinde)

Mr hän d Blaggedde ohni zfrooge

Enre grindlige Pryefyg unterzooge:

Hänse untersuecht vo hinden und unde

Und bim beschte Wille nit bsunders gfunde:

Kai versteggte Witz – aifach nyt – persee:

Das wär also s Profil vom Commitee!

Zum Loose
4.Helge

(D Blaggedde als Rotgryz-schiffli)

Millioone gits fir d Entwiggligshilf

Au d Winterhilf stooht nit im Schilf.

S Rootgryz fir Südamerika,

d Basler-Missioon fir Afrika,

In Asie d Padres vo Immesee

Und de Schwobe dr Jäggi vom eFCeBe!

 

Zum Loose

5.Helge

(als Zuesatz zum Jäggivärs)

D Schwoobe sueche dr Superschtar!

'Deutschland sucht den Superschtar'

Jä dr gross Kanton suecht dr Superschtar...

... und sy finden ain (- per Zuefall zwar!)

Dass sy aine hän, das mag'ne genne!

Das ischs erscht mol, wo sy stolz syy kenne.

 

6.Helge

(D Kappene sin rot)

Dä zforderscht doo - uff däm Bild

dä gseht grad uss wie dr Jögge Schild

Das zhinderscht muess dr Eymaa syy.

Dä in dr Mitty luegt wie dr Conti dryy!

Jä-soo gits fir dä Blämppel nur ai Begriff:

'Das neue Basler Narrenschiff'.

Zum Loose
7.Helge

(Züri-Fäähry + e rote Punggt uffem Ladäärnli)

Es Basilissge Radio in Zircher Hand!

Aus Regionaljournaal im fremde Land!

Es zircheret efangs - jä hols dr Gugger

bi Sport und Wirtschaft bis zu de Schugger!

doo tuets wohl wemme nit alles zircherisch bringt

und dä Minschterängel japaanisch singt.
8.Helge

(D Blaggedde)

Mir hätte do zem Schluss e Bitt:

Verlier mr d Gold-Blaggedde nit!

Leggse dehai in Seif oder uffs Gfryerfach-yys

Denn hämmr fir d Nochwält dr Bewyys,

dass’ au ganz ohni WM-Hit

e baar Schwyzer mit Gold-Medallye git.

 

Die neiy Uniformewahl

vo dr BeVauBe isch optimal:

Dezänti Farb - mordärne Schnitt,

me gooht halt mit dr 'Couture' mit!

in himmelblau und rosaroot

kunnts Drämmli zmindescht moodisch zspoot.

 

 

Fir mi Jüngschty hani e Biechli kauft,

ibre Teddybäär wo dur dr Zolli lauft.

Fir dr Mittler e Globi-Bilder-Band.

Fir dr Eltscht e MickyMaus us zwaiter Hand!

Und fir mi - hou, glaubetmrs: Das macht Spass

e nigelnagelneye Reisepass.
die Antiquierte Template by Stefan Ruede Powered by Joomla!