BAFA 2018

Bis zur näggschte Fasnacht

19.02.2018

Mr freyen is scho!

Noch



Countdown
abgelaufen


CDUB - CountDown-Up Big

Bängg 2005

     

 

Näbe de Schiine

 

 

(Uf dr Blaggedde hets e Wiehnachtskugele)

Si do inne schmeggts denn zimmlig jääs!

irgendwie e bitz noch Kääs

Und zwischedrin - i saags frisch und frey:

e Wollgge vo Fichtenoodlespray!

Das sin fir mi Bewyys und sichery Wärt!

Au si kemme diräggt vom Wyehnachtsmärt!

(s Drämmli isch gryen)

„Si do ischd Laidstell vo dr BeVauBe

Mer mien ihne brichte, und s tuet ys weh:

Wäg dääre Blaggedde – das dunggt ys s Harte –

Mien sy jetzt uff dr lingge Haltstell warte!

Und wäge däm Blämbbel miemerys no anderscht schryybe:

Nämmlig ‚eure Basler Verkehrt-betriebe’!“

(dr Blocher sitzt im Drämmli)

si, dr Blocher haig schyyns ebbis ganz Gschyyds gsait!

schyyns haig dr Blocher ebbis ganz Gschyyds gsait!

si, dr Blocher haig schyyns ebbis ganz Gschyyds gsait

nur hetr sich drbyy wohrschyyns nit iberlait!

Uff jeede Fall waiss ys nimm, drum gib i rueh,

dä isch eh nit näb de Schiine, sondern näb de Schueh!

(e Budget-Drämmli)

Hän sy dä Kääs scho probiert, do dä Migros-Budget-Brie?

hou do mainsch de byssysch in e Gummi dryy!

By däre Qualideet wo die lifere dyen

ergerisch dy vo blau bis budget-grien!

Do zaigt s Konsi mit ‚prix garanties’ wies anderscht gooht!

dert ergerisch dy aifach roosaroot!

(s Junteressli zyeht e Kirche)

Als katholische Mitlife-greis

bini vorbildhaft uffe Pilgerrais

und bi am letschte Sunntig ganz ellai

via Ettige - Flieh uff Mariastai.

Ha bättet und bättet und bättet und bättet

und bättet und bättet und bättet und bättet

trotz allem bätte hets nit welle go!:

Die Zanolari isch als no doo!

 

Truurig hoggi in my Kaare

und tue konschterniert widr haimefaahre.

bim näggschte Bittgang schliess i dr Papscht mit yy

dert sell d Chance bedyttend gresser syy!

(Farbstift und e Schuelsagg)

dä wode doo gseesch uff däm Drämmlistuehl

isch mi Gettibueb uffem Wäg ind Schuel.

Dert het är geschtert vom Lehrer vernoh,

är haig in dr Heftfyehryg e glatten Ainer bykho!

Do maint dä Gnopf: Die Griddigg isch fir d Katz!

Was si lääse isch nit my Heft! Das isch ihry neyy BAZ!

(dr schpuggend Fuessball-Frey)

Si, dr Fuessball - Frey haig, es teent veruggt,

vellig näb de Schiine, geegne gegnerische Gegner  gspuggt!

Drfir muess är de Zolli-Lama zaahle!

(Als Stroof firs Drama, das fatale!)!

Drby simr froh – und s teent sicher vermässe:

Aber als Nilpfärd hät dä dr Geegner gfrässe!

(Blaggedde normal)

Mr hätte do zum Schluss e Bitt:

Verlier bitte d Blaggedde nit!

Mir bruuche die Dinger zur d Regeneryeryg

Fir e haltbari Metall-Silikoon-legieryg.

Und nämme denn dass Gsalb, das gschmaidyg waiche,

asses bim Bahnhof nimm tuet yynesaiche.
 

Noochvärs

Ally doo zu mynre lingg Hand

Miesste e weeny meh zur Wand

Und die do ähne gehen bitte undere Tisch

Wells dert bedyttend sicherer isch!

Denn setts in dr Mitty e freye Durchgang gäh,

s wänn d Bärner Schugger mit de Terrorischte go Z’vieri näh!
 

 

Si, jetzt schmeggts nimm gar so jääs

und nimm soo fescht noch altem Kääs.

s isch notabene nimm so schlimm,

au d Fichtenoodle schmeggt me nimm.

Drfir stinggt jetzt dä ganzy Fimmel

vo däm Bormio-Debakel bis zum Himmel!
die Antiquierte Template by Stefan Ruede Powered by Joomla!